આણંદના પૂર્વ અધિક કલેક્ટર કેતકી વ્યાસની જામીન અરજી નામંજૂર

અમદાવાદ સિટી સેશન્સ કોર્ટે આણંદના પૂર્વ અધિક કલેક્ટર કેતકી વ્યાસની નિયમિત જામીન મેળવવા માટેની અરજી ફગાવી દીધી છે. કોર્ટે આ કેસની ગંભીરતા અને રજૂ કરવામાં આવેલી વિગતોને ધ્યાનમાં રાખીને જામીન આપવાનો ઇનકાર કર્યો છે. આ નિર્ણય બાદ કેતકી વ્યાસ હવે જ્યુડિશિયલ કસ્ટડીમાં રહેશે અને તેમને જેલમાં જ રહેવું પડશે.

કેતકી વ્યાસ સામે રૂ. ૩.૬૮ કરોડની અપ્રમાણસર મિલકત બનાવવાનો ગુનો છે. અમદાવાદ શહેર એસીબી પોલીસ સ્ટેશનમાં જૂન ૨૦૨૬માં તેમની સામે ગુનો નોંધવામાં આવ્યો હતો. તપાસ દરમિયાન જાણવા મળ્યું હતું કે તેમણે પોતાની સત્તાનો દુરુપયોગ કરીને કરોડો રૂપિયાની મિલકતો વસાવી હતી. તેમની કાયદેસરની આવક કરતાં ૭૦ ટકાથી વધુ આવક મળી હોવાનું તપાલમાં પણ ફલિત થયું હતું.

ગુનો નોંધાયા બાદ તેઓ સતત સંતાઈને ફરતા હતા, પરંતુ એસીબી દ્વારા ગત ઓગસ્ટમાં તેમને અમદાવાદથી પકડી પાડવામાં આવ્યા હતા. અગાઉ જુલાઈ અને ઓગસ્ટમાં પણ તેમની જામીન અરજીઓ કોર્ટ દ્વારા ફગાવી દેવામાં આવી હતી. તપાસ કરનાર અધિકારીએ ગત ઓક્ટોબરમાં કોર્ટમાં ચાર હજારથી વધુ પાના રજૂ કર્યા હતા.

કેતકી વ્યાસ આણંદમાં પૂર્વ અધિક કલેક્ટર તરીકે સેવા આપી ચૂક્યા હતા.