સુરતના ભટાર રોડ પર સોસાયટીમાં શોર્ટ સર્કિટથી આગ લાગી

સુરતના ભટાર રોડ પર આવેલી જલારામ આશિષ સોસાયટી કેમ્પસના સાંઇ નગર કોમ્પ્લેક્સમાં બુધવારની વહેલી સવારે શોર્ટ સર્કિટના કારણે ભયાનક આગ લાગી હતી. આ ઘટના રાત્રિના લગભગ ૨:૩૦ વાગ્યે બની હતી, જ્યારે શહેર ગાઢ નિદ્રામાં હતું. શરૂઆતમાં ધડાકાઓના અવાજને કારણે લોકોને દિવાળીના ફટાકડા ફૂટતા હોય તેવો ભ્રમ થયો હતો, પરંતુ જોતજોતામાં આગની જ્વાળાઓ વિકરાળ સ્વરૂપ ધારણ કરવા લાગી હતી.

આ અગ્નિખાંડના કારણે આખી સોસાયટી જાગી ઉઠી હતી. કોમ્પ્લેક્સના પાર્કિંગ વિસ્તારમાં કાર સહિતના અનેક વાહનો ઉભા હતા, જેના કારણે જોખમ ઘણું વધી ગયું હતું. જો આગ વાહનો સુધી પ્રસરી હોત તો નુકસાન ખૂબ જ વધારે થઈ શક્યું હોત. સેન્ટ્રલાઇઝ્ડ ઇમરજન્સી નંબર ૧૧૨ મારફતે ફાયરબ્રિગેડને જાણ કરવામાં આવી હતી.

ફાયર ઓફ્સિર ગઢવી અને તેમની ટીમ ઘટનાસ્થળે પહોંચી તાત્કાલિક કામગીરી હાથ ધરી હતી. ફાયરબ્રિગેડના લાશ્કરોએ સમયસર આગ પર કાબૂ મેળવી લીધો હતો. સદનસીબે આ ઘટનામાં કોઈ પણ પ્રકારની જાનહાનિ થઈ નથી અને એક મોટી હોનારત ટળી ગઈ છે.

દિવાળીના દિવસોમાં ફટાકડાના અવાજ વચ્ચે આવી ઘટનાઓનું ધ્યાન જલ્દી જતી રહે છે, જે જોખમી સાબિત થઈ શકે છે. આ ઘટનાએ તહેવારની ઉજવણી વચ્ચે સુરક્ષાના મહત્વનો અહેસાસ કરાવ્યો છે.