ફટાકડાના કારણે આંખમાં ઈજા થઈ શકે છે: આંખના નિષ્ણાતોએ આપી ચેતવણી

દીપાવલીના તહેવારમાં ફટાકડા ફોડવાનો ઉત્સાહ વધવાની સાથે જ આંખના નિષ્ણાતોએ સાવચેતી રાખવાની અપીલ કરી છે. ફટાકડા ફોડતી વખતે એક ક્ષણની બેદરકારી આંખમાં સામાન્ય ઘસરકાથી લઈને ગંભીર ઓક્યુલર ટ્રોમા (આંખની ગંભીર ઈજા) સુધીનું કારણ બની શકે છે તેમ ડોક્ટરોએ જણાવ્યું છે.

ધ હિન્દુના અહેવાલ મુજબ, ફટાકડા માત્ર સીધી ઈજા જ નહીં પરંતુ રાસાયણિક ઈજાઓ પણ પહોંચાડી શકે છે. ચેન્નાઈ સ્થિત રિજનલ ઇન્સ્ટિટ્યૂટ ઓફ ઓપ્થાલમોલોજી અને ગવર્મેન્ટ ઓપ્થાલમિક હોસ્પિટલ (RIO-GOH) ના ડાયરેક્ટર એમ. એલાંગોવન દ્વારા ફટાકડાના પ્રકારો અને તેનાથી થતા જોખમો વિશે વિગતવાર સમજૂતી આપવામાં આવી છે.

એલાંગોવનના જણાવ્યા અનુસાર, ફટાકડાના પ્રકારો અલગ-અલગ હોય છે. વિસ્ફોટક પ્રકારના ફટાકડા સૌથી વધુ જોખમી છે કારણ કે તે બધી દિશામાં અનિયમિત, નાના અને જોરદાર કણો ફેંકે છે. આ કણો એટલી ઝડપથી મુસાફરી કરી શકે છે કે તેઓ કોઈપણ નરમ સપાટીને અથડાઈ શકે છે અથવા તેમાં ખૂંપી શકે છે.

આ ઉપરાંત, ફટાકડા દ્વારા સીધી ગરમીથી થતી ઈજાનું જોખમ પણ રહેલું છે. દાખલા તરીકે, ફૂલઝડી જેવા ફટાકડામાંથી નીકળતી ગરમીને કારણે કોર્નિયા (આંખની કીકી) અથવા કન્જક્ટિવા પર ડાઘા પડી શકે છે. તે સિવાય, તેજસ્વી પ્રકાશ છોડતા ફટાકડાના અચાનક અને નજીકથી સંપર્કને કારણે રેટિનાના રોડ અને કોન સેલ્સ પર અસર થઈ શકે છે, જેના પરિણામે આંખમાં બ્લીચિંગ અથવા કામચલાઉ અંધકાર જેવી સમસ્યાઓ સર્જાઈ શકે છે.

આ બાબતે સાવચેતી રાખવી અત્યંત જરૂરી છે જેથી તહેવાર દરમિયાન આંખને નુકસાન ન થાય.