બોટાદના કાળુભાર ડેમમાં દંપતીએ આપઘાત કર્યાની આશંકા

બોટાદ જિલ્લાના ગઢડા તાલુકાના કાળુભાર ડેમમાં એક યુગલ દ્વારા આપઘાત કરવામાં આવ્યો હોવાની આશંકાથી ભારે ચકચાર મચી ગઈ છે. સંદેશ અખબારના અહેવાલ મુજબ, ગઢડા તાલુકાના કેરળી ગામના રહેવાસી ૨૫ વર્ષીય રોહિત ભારતભાઈ સાથલિયાએ બપોરના સમયે તેના ભાઈ અરવિંદભાઈને ફોન કરીને જણાવ્યું હતું કે તેઓ કાળુભાર ડેમમાં કૂદીને આપઘાત કરી રહ્યા છે.

આ આઘાતજનક ફોન કૉલ મળતાની સાથે જ અરવિંદભાઈએ તુરંત જ ગઢડા પોલીસ સ્ટેશનને આ બાબતની જાણ કરી હતી. માહિતી મળતાની સાથે જ ગઢડા પોલીસ અને બોટાદથી ફાયર વિભાગની ટીમ તાત્કાલિક ઘટના સ્થળે દોડી ગઈ હતી. ડેમની પાળ પરથી પોલીસને એક બાઈક તેમજ એક પુરુષ અને એક સ્ત્રીના ચંપલ મળી આવ્યા હતા, જેના કારણે તેઓએ ડેમમાં છલાંગ લગાવી હોવાની આશંકા વધુ પ્રબળ બની છે.

ડેમની આસપાસ મળી આવેલી ચીજવસ્તુઓ અને ફોન પર થયેલી વાતચીતના આધારે ગુમ થયેલા યુવક અને યુવતીની ઓળખ ગઢડા તાલુકાના કેરળી ગામના ૨૫ વર્ષીય રોહિત ભારતભાઈ સાથલિયા અને શીતલબેન વિજયભાઈ શેખ તરીકે થઈ છે. બોટાદ ફાયર વિભાગની ટીમે કાળુભાર ડેમના ઊંડા પાણીમાં રેસ્ક્યુ બોટની મદદથી સઘન શોધખોળ શરૂ કરી છે. સમગ્ર માને લઈને પોલીસે આગળની કાયદેસરની તપાસ અને કાર્યવાહી હાથ ધરી છે.