આઈઆઈટીના વિદ્યાર્થીઓના સરેરાશ પગારમાં ૮ વર્ષમાં બમણો વધારો

બિઝનેસ સ્ટાન્ડર્ડના અહેવાલ મુજબ, વડાપ્રધાનની આર્થિક સલાહકાર પરિષદ (EAC-PM) દ્વારા કરવામાં આવેલા એક અભ્યાસમાં જાણવા મળ્યું છે કે છેલ્લા ૮ વર્ષમાં આઈઆઈટીના વિદ્યાર્થીઓના સરેરાશ પગારમાં બમણાથી વધુનો વધારો થયો છે. આ સમયગાળા દરમિયાન ૧૭ આઈઆઈટીમાં પ્લેસમેન્ટ મેળવનાર વિદ્યાર્થીઓની સંખ્યા ૪,૭૩૭ થી વધીને ૮,૪૧૧ સુધી પહોંચી ગઈ છે.

આ અભ્યાસમાં આઈઆઈટી સંસ્થાઓમાં વિદ્યાર્થીઓની પ્લેસમેન્ટ સ્થિતિ અને તેમના વેતનમાં થયેલા નોંધપાત્ર સુધારાને દર્શાવવામાં આવ્યા છે. આ આંકડાઓ ઉચ્ચ શિક્ષણ મેળવતા વિદ્યાર્થીઓ માટે રોજગારીની તકો અને પગાર ધોરણમાં થયેલા સકારાત્મક બદલાવને સ્પષ્ટ કરે છે.