મહારાષ્ટ્ર બોર્ડે વર્ષ ૨૦૨૭ માટે ધોરણ ૧૦ અને ૧૨ ની પરીક્ષાની તારીખો કરી જાહેર

એનડીટીવીના અહેવાલ મુજબ, મહારાષ્ટ્ર સ્ટેટ બોર્ડ ઓફ સેકન્ડરી એન્ડ હાયર સેકન્ડરી એજ્યુકેશન (MSBSHSE) દ્વારા શૈક્ષણિક સત્ર ૨૦૨૭ માટે ધોરણ ૧૦ (SSC) અને ધોરણ ૧૨ (HSC) ની પરીક્ષાનું ટાઇમટેબલ જાહેર કરી દેવામાં આવ્યું છે. જે વિદ્યાર્થીઓ આગામી બોર્ડ પરીક્ષા આપવાના છે તેઓ હવે સત્તાવાર વેબસાઇટ mahahsscboard.in પર જઈને વિગતવાર વિષયવાર પરીક્ષાનું સમયપત્રક ડાઉનલોડ કરી શકશે.

અહેવાલમાં જણાવ્યા અનુસાર, મહારાષ્ટ્ર બોર્ડની ધોરણ ૧૨ ની થિયરી પરીક્ષા ૮ ફેબ્રુઆરી ૨૦૨૭ થી શરૂ થઈને ૧૧ માર્ચ ૨૦૨૭ સુધી ચાલશે. જ્યારે ધોરણ ૧૦ ની પરીક્ષા ૧૫ ફેબ્રુઆરી ૨૦૨૭ ના રોજ શરૂ થશે અને ૧૫ માર્ચ ૨૦૨૭ ના રોજ સમાપ્ત થશે.

આ પરીક્ષાઓ અંગે વધુ વિગતો આપતાં જણાવવામાં આવ્યું છે કે મહારાષ્ટ્ર બોર્ડની એસએસસી અને એચએસસી ની પરીક્ષાઓ બે શિફ્ટમાં લેવામાં આવશે. જેમાં પ્રથમ શિફ્ટ સવારે ૧૧:૦૦ વાગ્યાથી બપોરે ૨:૦૦ વાગ્યા સુધીની રહેશે અને બીજી શિફ્ટ બપોરે ૩:૦૦ વાગ્યાથી સાંજે ૬:૦૦ વાગ્યા સુધી ચાલશે. આ ઉપરાંત, ધોરણ ૧૨ ના ડેટાશીટમાં જનરલ, વોકેશનલ અને બાયફોકલ અભ્યાસક્રમોની પરીક્ષાની વિગતોનો પણ સમાવેશ કરવામાં આવ્યો છે.