મારુતિ સુઝુકી લાવશે નવી ઇલેક્ટ્રિક ૭-સીટર એમપીવી, આ કારો સાથે થશે સ્પર્ધા

આજ તકના અહેવાલ મુજબ, દેશની દિગ્ગજ ઓટોમોબાઈલ કંપની મારુતિ સુઝુકી એક નવી ૭-સીટર કાર પર કામ કરી રહી છે. આ વાહન એક ઇલેક્ટ્રિક એમપીવી હશે, જેને કંપની આવતા વર્ષે બજારમાં રજૂ કરી શકે છે. હાલમાં કંપની દ્વારા આ કાર વિશે કોઈ અધિકૃત માહિતી આપવામાં આવી નથી. ઈ-વિટારા લોન્ચ કર્યા બાદ આ બ્રાન્ડની આ બીજી ઇલેક્ટ્રિક કાર બનવા જઈ રહી છે.

આગામી ૭-સીટર ઇલેક્ટ્રિક એમપીવીને બ્રાન્ડ દ્વારા ફેબ્રુઆરી ૨૦૨૭માં યોજાનારા ભારત મોબિલિટી એક્પોમાં રજૂ કરવામાં આવી શકે છે. નાણાકીય વર્ષ ૨૦૨૭ના બીજા ક્વાર્ટરની અર્નિંગ કોન્ફરન્સ કોલ દરમિયાન ચીફ ઇન્વેસ્ટર રિલેશન ઓરિસર રાહુલ ભારતી દ્વારા કંપનીની આ યોજનાની જાહેરાત કરવામાં આવી છે. કંપની આવતા વર્ષે યોજાનાર આ વૈશ્વિક પ્રદર્શનમાં આ વાહનને દુનિયા સમક્ષ પ્રદર્શિત કરી શકે છે.

આ કારનું કોડનેમ મારુતિ વાયએમસી જણાવવામાં આવી રહ્યું છે, જેનું પરીક્ષણ કંપની આ વર્ષની શરૂઆતથી એટલે કે ઉનાળાથી કરી રહી છે. અત્યાર સુધીમાં અનેક વખત આ બ્રાન્ડની કાર રસ્તા પર જોવા મળી ચૂકી છે. આ વાહનમાં પાછળના ભાગે ટેલ લાઈટ્સને જોડવા માટે એક હોરિઝોન્ટલ સ્ટ્રીપનો ઉપયોગ કરવામાં આવ્યો છે. એવી પણ શક્યતા છે કે આ સ્ટ્રીપ ઇલ્યુમિનેટેડ હોઈ શકે છે.

આ સિવાય આ વાહનમાં એલઈડી હાઈ-માઉન્ટેડ સ્ટોપ લેમ્પ જોવા મળશે, સાથે જ શાર્ક ફિન એન્ટેના પણ જોઈ શકાય છે. વાહનની સાઈડ પ્રોફાઈલની વાત કરીએ તો તે એકદમ બોક્સી નજરે પડશે. આ ડિઝાઇનને કારણે કાર સામાન્ય એમપીવી કરતા એસયુવી જેવી વધુ દેખાશે. આ ઉપરાંત વાહનમાં સ્કવાયર્ડ-ઓફ વ્હીલ આર્ચ પણ ઉપલબ્ધ કરાવવામાં આવશે.

આ તમામ ફીચર્સની સાથે મારુતિ વાયએમસીનો દેખાવ મોટાભાગે મારુતિ સુઝુકી ઈ-વિટારા જેવો જ મળશે. આ ઇલેક્ટ્રિક કારમાં ૧૮ ઇંચના અલૉય વ્હીલ્સ આપવામાં આવી શકે છે. વાહનનો સાઈડ લુક અને ફ્રન્ટ લુક બંને મારુતિ ઈ-વિટારા સાથે ઘણો મળતો આવે છે. આ જ કારણ છે કે આ કાર એમપીવી હોવા છતાં એસયુવી જેવો લુક પ્રદાન કરે છે.

આ વાહનમાં આડી એટલે કે હોરિઝોન્ટલ હેડલેમ્પ્સ આપવામાં આવશે, જેને વર્ટિકલી એક્સટેન્ડ કરી શકાય છે. આ કારનો નોઝ સેક્શન બોડી કલર્ડ સરફેસથી ઢંકાયેલો હશે. કંપની આ વાહનને ૬-સીટર અને ૭-સીટર એમ બંને અવતારમાં બજારમાં ઉતારી શકે છે. ૬-સીટર વેરિઅન્ટની વાત કરીએ તો કંપની તેમાં બીજી હરોળમાં કેપ્ટન સીટ્સનો ઉપયોગ કરી શકે છે.

આ ઇલેક્ટ્રિક કાર બે મોટર ઓપ્શન સાથે બજારમાં આવી શકે છે. આ બંને વર્ઝનમાં સિંગલ મોટર આપવામાં આવશે, જે ફ્રન્ટ વ્હીલને પાવર પૂરો પાડશે. વાહનના બેઝ વેરિઅન્ટમાં ૧૦૫.૮ કિલોવોટની પાવર અને ૧૯૩ એનએમ ટોર્ક આપતી મોટર મળશે. જ્યારે આ કારના ટોપ વેરિઅન્ટમાં ૧૨૮ કિલોવોટ પાવર અને ૧૯૩ એનએમ ટોર્ક ઉત્પન્ન કરતી મોટર આપવામાં આવશે.

આ કારમાં ગ્રાહકોને બે બેટરીનો વિકલ્પ પણ મળી શકે છે. આ ગાડીનું ટોપ વેરિઅન્ટ ૫૨૫ કિલોમીટરની ક્લેમ્ડ રેન્જ સાથે બજારમાં આવી શકે છે. બજારમાં આ કારની સીધી ટક્કર કિઆ કારેન્સ ક્લેવિસ ઇવી સાથે થશે. આ સિવાય તે મહિન્દ્રા એક્સઇવી ૯એસ અને તાજેતરમાં જ લોન્ચ થયેલી એમજી હેક્ટર ટોમાહોક ઇવી સાથે પણ બજારમાં સ્પર્ધા કરશે.