ચીની રોકાણકારોનું આફ્રિકામાં ૧૬ અબજ ડોલરથી વધુના પ્રોજેક્ટ્સમાં સમર્થન

સાઉથ ચાઇના મોર્નિંગ પોસ્ટના અહેવાલ મુજબ, આફ્રિકાભરમાં ખિન પ્રોસેસિંગ અને મેન્યુફેક્ચરિંગ પ્રોજેક્ટ્સ પાછળ ચીની રોકાણકારોએ ૧૬ અબજ યુએસ ડોલરથી વધુનું સમર્થન આપ્યું છે. બેઇજિંગ સ્થિત કન્સલ્ટન્સી ડેવલપમેન્ટ રીઇમેજન્ડના નવા અહેવાલમાં આ વાત સામે આવી છે, જે કુદરતી સંપત્તિની કમાણીનો મોટો હિસ્સો મેળવવા માટે સંસાધન સમૃદ્ધ દેશોના અભિયાન પાછળ બેઇજિંગના સમર્થનને દર્શાવે છે.

આફ્રિકા ખંડ કોપર, કોબાલ્ટ અને આયર્ન ઓર જેવા મુખ્ય ખનીજોનો મોટો આંતરરાષ્ટ્રીય સપ્લાયર છે. અહેવાલ અનુસાર, ડેમોક્રેટિક રિપબ્લિક ઓફ કોંગો, ગિની અને ઝિમ્બાબ્વે જેવા દેશોએ અગાઉ સ્થાનિક સ્તરે પ્રોસેસિંગને પ્રોત્સાહન આપવા માટે ખિન નિકાસ પર પ્રતિબંધો કે નિયંત્રણો લાદ્યા હતા.

આ અભ્યાસમાં ૨૦૨૪ની ચીન-આફ્રિકા સહયોગ સમિટ બાદ સંમત થયેલી કાર્ય યોજના હેઠળ ચીનની પ્રતિબદ્ધતાઓની તપાસ કરવામાં આવી હતી. આ અહેવાલ મુજબ ચાલુ વર્ષના જૂન મહિના સુધીમાં ૧૫ દેશોમાં ૩૨ માઇનિંગ, એક્સપ્લોરેશન અને ડેવલપમેન્ટ પ્રોજેક્ટ્સમાં કુલ ૪૧.૨ અબજ યુએસ ડોલરનું રોકાણ કરવામાં આવ્યું હોવાનું જણાયું છે.