રિચી રીચ પાન પાર્લરના માલિક ભાવિક ગજ્જરની આગોતરા જામીન અરજી નામંજૂર

સંદેશના અહેવાલ મુજબ, અમદાવાદના જાણીતા રિચી રીચ પાન પાર્લરના માલિક ભાવિક ગજ્જરની મુશ્કેલીઓમાં મોટો વધારો થયો છે. કલોલ કોર્ટ દ્વારા ભાવિક ગજ્જરની આગોતરા જામીન અરજી ફગાવી દેવામાં આવી છે. કોર્ટમાં બંને પક્ષો દ્વારા દલીલો રજૂ કરવામાં આવી હતી, પરંતુ અંતે ભાવિક ગજ્જરને કોઈ જ પ્રકારની રાહત મળી ન હતી અને તેમનો જામીન અરજીનો દાવો રદ કરવામાં આવ્યો હતો.

આગૈાતરા જામીન અરજી રદ થવાને કારણે હવે કાયદાનો ગાળિયો વધુ કસાઈ ગયો છે અને ભાવિક ગજ્જરની કાનૂની જટિલતાઓ પણ નોંધપાત્ર રીતે વધી ગઈ છે. અદાલતી રક્ષણ ન મળવાને કારણે પોલીસ અને તપાસ કરતી એજન્સી માટે હવે કાયદેસરની કાર્યવાહી કરવાનો માર્ગ એકદમ સાફ થઈ ગયો છે.

આ કાનૂની ફટકા બાદ હવે ગમે ત્યારે પોલીસ દ્વારા તેમની ધરપકડ કરવામાં આવે તેવી પૂરેપૂરી શક્યતા ઊભી થઈ છે અને પોલીસ ધરપકડની તલવાર તેમના પર લટકી રહી છે. આ મામલે પોલીસ ટીમ દ્વારા આરોપી ભાવિક ગજ્જરની સઘન શોધખોળ શરૂ કરી દેવામાં આવી છે.

પોલીસ સૂત્રોના જણાવ્યા અનુસાર, આગામી સમયમાં આરોપીની ધરપકડ થયા બાદ આ સમગ્ર પ્રકરણ અંગેના અનેક ચોંકાવનારા રહસ્યો અને વિગતો બહાર આવવાની પૂરી સંભાવના છે.