ઓસ્ટ્રેલિયાને હરાવી અફઘાનિસ્તાને પ્રથમવાર જીતી હોંગકોંગ સુપર સિક્સ ૨૦૨૬ ટ્રોફી

ટીવી9 ગુજરાતીના અહેવાલ મુજબ, અફઘાનિસ્તાનની ક્રિકેટ ટીમે ઓસ્ટ્રેલિયાને ફાઇનલ મેચમાં હરાવીને ઇતિહાસ રચી દીધો છે. હોંગકોંગ સુપર સિક્સ ૨૦૨૬ સ્પર્ધાની ફાઇનલ મેચ ૧ નવેમ્બરના રોજ મોંગ કોક ખાતે આવેલા મિશન રોડ ગ્રાઉન્ડ પર રમાઈ હતી. આ ટૂર્નામેન્ટમાં અફઘાનિસ્તાને ઓસ્ટ્રેલિયાને ૪ વિકેટે પરાજય આપીને પ્રથમ વખત 'ચેમ્પિયન' બનવાનું ગૌરવ પ્રાપ્ત કર્યું છે. અફઘાનિસ્તાનની આખી ટીમ આ ટૂર્નામેન્ટમાં ગ્રૂપ સ્ટેજથી લઈને ફાઇનલ સુધી અજેય રહી હતી.

આ નિર્ણાયક મુકાબલામાં ઓસ્ટ્રેલિયાની ટીમ દ્વારા પ્રથમ બેટિંગ કરવામાં આવી હતી. નિર્ધારિત ૬ ઓવરમાં ઓસ્ટ્રેલિયાએ ૪ વિકેટના નુકસાને ૧૧૫ રન બનાવ્યા હતા. આ લક્ષ્યાંકનો પીછો કરવા ઉતરેલી અફઘાનિસ્તાનની શરૂઆત નબળી રહી હતી અને ૧૫ રનના સ્કોર પર કરીમ જન્નતના રૂપમાં તેમની પહેલી વિકેટ પડી હતી. આ ઉપરાંત, કેપ્ટન ગુલબદીન નાઇબ ૧૭ રન બનાવીને ૩૨ રનના સ્કોરે પેવેલિયન પરત ફર્યા હતા. અફઘાનિસ્તાને ગુલબદીન નાઇબની કપ્તાની હેઠળ આ મેચ રમી હતી.

મુશ્કેલ પરિસ્થિતિમાંથી ટીમદ્ગવારા શાનદાર વાપસી કરવામાં આવી હતી. ઇમરાન નાઝિરે ફાઇનલ મેચમાં ખાસ ભૂમિકા ભજવતા ૧૪ બોલમાં ૭ છગ્ગા અને ૨ ચોગ્ગાની મદદથી અણનમ ૫૩ રન ફટકાર્યા હતા. તેમને ફ૨માનુલ્લાહ સાફીનો ઉત્તમ સાથ મળ્યો જેમણે ૨૬ રનની મહત્વપૂર્ણ ઇનિંગ રમી હતી. આ બંને ખેલાડીઓ વચ્ચે ત્રીજી વિકેટ માટે માત્ર ૨૧ બોલમાં ૮૭ રનની ભાગીદારી નોંધાઈ હતી, જેનાથી અફઘાનિસ્તાને ૫.૧ ઓવરમાં જ માત્ર ૨ વિકેટ ગુમાવીને વિજયી લક્ષ્યાંક પાર કરી લીધો હતો.

અગાઉના ચરણોમાં પણ ટીમનું પ્રદર્શન ઉત્કૃષ્ટ રહ્યું હતું. ગ્રૂપ સ્ટેજની મેચમાં અફઘાનિસ્તાને દક્ષિણ આફ્રિકા સામે ૩ વિકેટે વિજય મેળવ્યો હતો. ત્યારબાદ ઓમાનને ૪ વિકેટે હરાવીને સેમિફાઇનલમાં પ્રવેશ મેળવ્યો હતો. સેમિફાઇનલ મુકાબલામાં સ્કોટલેન્ડ સામે ૨૧ રનના માર્જીનથી વિજય પ્રાપ્ત કરીને તેમણે ફાઇનલમાં જગ્યા બનાવી હતી. આ ભવ્ય વિજય અંગે અફઘાનિસ્તાન ક્રિકેટ બોર્ડ અને ક્રિકેટ હોંગકોંગ, ચાઇના દ્વારા ૧ નવેમ્બર, ૨૦૨૬ ના રોજ સોશિયલ મીડિયા પર પોસ્ટ શેર કરવામાં આવી હતી.