ચીનની સેન્ટ્રલ બેન્કે શેરબજારને ટેકો આપવા ૧૫ અબજ ડૉલરની સ્વેપ સુવિધા શરૂ કરી

સાઉથ ચાઇના મોર્નિંગ પોસ્ટના અહેવાલ મુજબ, ચીનની સેન્ટ્રલ બેન્કે નબળા શેરબજારને મજબૂત કરવા માટે સોમવારે એક અનોખી સ્વેપ સુવિધાના નવા રાઉન્ડનો આરંભ કર્યો છે. લગભગ એક દાયકામાં બજારમાં થયેલા સૌથી મોટા કડાકાને કારણે રોકાણકારોનો આત્મવિશ્વાસ ડીગો ગયો હતો અને દેશની નાણાકીય વ્યવસ્થા સામે ગંભીર જોખમો ઊભા થયા હતા.

પીપલ્સ બેન્ક ઓફ ચાઇના દ્વારા એક વર્ષની આ સ્વેપ સુવિધા અમલમાં મૂકવામાં આવી છે. આ વ્યવસ્થા હેઠળ, સંસ્થાકીય રોકાણકારો તેમની બિન-પ્રવાહી અસ્કયામતોને સેન્ટ્રલ બેન્ક સાથે પ્રવાહી અસ્કયામતોમાં અદલાબદલી કરી શકશે, જેથી તેઓ શેર ખરીદી શકે.