વાહન વીમા નિયમોમાં મોટા ફેરફારો, ૧૫ ડિસેમ્બરથી નવો નિયમ લાગુ થશે

ઇન્ડિયન એક્સપ્રેસ ગુજરાતીના અહેવાલ મુજબ, ઇન્શ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઇન્ડિયા એટલે કે IRDAI દ્વારા વાહન વીમાના નિયમોમાં મોટા ફેરફારો કરવામાં આવ્યા છે જે આગામી ૧૫ ડિસેમ્બર ૨૦૨૬થી અમલમાં આવશે. આ નવા નિયમો અનુસાર વાહન વીમો વેચતી વખતે વીમા કંપનીઓએ ગ્રાહકોને લેખિતમાં સ્પષ્ટપણે જણાવવું પડશે કે વીમા પોલિસી હેઠળ કઈ-કઈ સુવિધાઓ પૂરી પાડવામાં આવી રહી છે.

સુપ્રીમ કોર્ટે આપેલા આદેશના પગલે હવે ટુ-વ્હીલર અથવા કાર ચાલકોએ મોટર વાહન વીમો ખરીવતી વખતે ફરજિયાતપણે પર્સનલ એક્સિડન્ટ ઇન્શ્યોરન્સ પોલિસી લેવી પડશે. IRDAI દ્વારા આ નિર્ણયને લાગુ કરવા માટે એક પરિપત્ર જારી કરવામાં આવ્યો છે, જે ૧૫ ડિસેમ્બર ૨૦૨૬થી પ્રભારી બનશે. આ નવા નિયમો પ્રમાણે બાઇક અને સ્કૂટર જેવા ટુ-વ્હીલર વાહનોમાં પાછળ બેસનાર મુસાફરો એટલે કે પિલિયન રાઇડર્સ અથવા અન્ય કાર પેસેન્જરો માટે અકસ્માત વીમા પોલિસી લેવાનું મરજિયાત રાખવામાં આવ્યું છે.

આ નવા નિયમો અંતર્ગત થર્ડ પાર્ટી ઇન્શ્યોરન્સ પોલિસીને ફરજિયાત જ રાખવામાં આવી છે. જો કે, મોટરસાઇકલ કે કારનો અકસ્માત થાય કે વાહન ખોવાઈ જાય તેવા સંજોગોમાં વીમા પોલિસી લેવાનું મરજિયાત જ રહેશે. વીમા કંપનીઓએ ગ્રાહકોને સ્પષ્ટપણે માહિતી આપવી પડશે કે તેઓ દરેક વસ્તુના વીમા માટે કેટલો ચાર્જ વસૂલ કરી રહ્યા છે.

આગામી ૧૫ ડિસેમ્બરથી મોટર વાહન વીમો વેચતી કંપનીઓએ એક નવા માળખા હેઠળ વીમા પોલિસીઓ વેચવી પડશે અને તેને IRDAI ના 'બીમા સુગમ' પોર્ટલ સાથે જોડવી પડશે, જેથી વીમો ખરીદનાર ગ્રાહકો નવા પરિપત્ર મુજબની સંપૂર્ણ માહિતી મેળવી શકે. મોટર વીમા સાથે સંબંધિત અન્ય તમામ કવરેજને મરજિયાત રાખવામાં આવ્યા છે.

જો કોઈ વાહન માલિક પાસે વર્તમાનમાં થર્ડ પાર્ટી કવરેજ હોય અને તેઓ વધારાનું કવરેજ લેવા માંગતા હોય, તો તેમણે તેમની ચાલુ વાહન વીમા પોલિસી રદ કરવાની જરૂર રહેશે નહીં. વધારાના વીમા કવરેજ માટે તેઓ વધારાનો ચાર્જ ચૂકવીને તેને તેમના વીમા કવરેજમાં ઉમેરી શકે છે. આ ઉપરાંત, ગ્રાહક થર્ડ પાર્ટી વીમાની સાથે અકસ્માત પછી કાનૂની સેવાઓ માટેનું કવર પણ લઈ શકે છે, જેના માટે અલગથી ચાર્જ ચૂકવવો પડશે.

હાલમાં મોટર વાહન વીમા કંપનીઓ પોલિસી ખરીદી કરતી વખતે એવું દર્શાવે છે કે કાર કે મોટરસાઇકલ ચાલકે અલગથી અકસ્માત વીમા પોલિસી લીધી છે, અને આ રીતે તેને મોટર વાહન વીમા પોલિસી સાથે બંડલ કરી શકાશે નહીં. કાર વીમા પોલિસી ખરીદતી વખતે ગ્રાહકને અગાઉથી ખબર હોય છે કે જો તેમનું વાહન અકસ્માતનો ભોગ બને અથવા ચોરાઈ જાય તો તેમને વીમાનો કેટલો લાભ મળશે.