વેગા એસએએસ દ્વારા વોડાફોન ગ્રુપમાં હિસ્સો ખરીદવા માટે સીએસીઆઈની મંજૂરી

ભારતીય સ્પર્ધા પંચ (CCI) એ વેગા એસએએસ દ્વારા વોડાફોન ગ્રુપ પીએલસીમાં અમુક હિસ્સો સંપાદિત કરવાના પ્રસ્તાવને મંજૂરી આપી દીધી છે. PIB ના અહેવાલ મુજબ, આ સૂચિત સંયોજન હેઠળ વેગા એસએએસ (અધિક્રમણકર્તા) વોડાફોન ગ્રુપ પીએલસી (લક્ષિત કંપની) ની ઇશ્યુ થયેલ શેર મૂડીના ૧૬.૨% હિસ્સો ખરીદશે.

અધિક્રમણકર્તા કંપની વેગા એસએએસ એ એક હોલ્ડિંગ કંપની છે. તે ફ્રાન્સના કાયદા હેઠળ નોંધાયેલી એક સરળ સંયુક્ત સ્ટોક કંપની, માયા એસએએસની સંપૂર્ણ માલિકીની પેટાકંપની છે. વેગા એસએએસ ટેલિકોમ્યુનિકેશન, ઇન્ટરનેટ, ઇન્ફોર્મેશન ટેકનોલોજી, ટેલીમેટિક્સ અને કોમ્યુનિકેશન્સના ક્ષેત્રોમાં વિવિધ સિસ્ટમ્સ, સાધનો, નેટવર્ક અથવા સેવાઓના ડિઝાઇન, વિકાસ, જાળવણી, સંચાલન, વ્યવસ્થાપન અથવા માર્કેટિંગ સાથે સંકળાયેલી છે. આમાં ઇલેક્ટ્રોનિક કોમ્યુનિકેશન નેટવર્ક્સની સ્થાપના અને સંચાલનનો પણ સમાવેશ થાય છે.

PIB મુજબ, વેગા એસએએસની ભારતની અંદર પોતાની કોઈ વ્યાવસાયિક હાજરી કે વ્યાવસાયિક પ્રવૃત્તિ નથી. તેની વ્યાવસાયિક પ્રવૃત્તિઓ તેની સંબંધિત સહયોગી કંપનીઓ દ્વારા કરવામાં આવે છે.

બીજી તરફ, લક્ષિત કંપની વોડાફોન ગ્રુપ પીએલસી એ યુરોપિયન અને આફ્રિકન ટેલિકોમ્યુનિકેશન કંપની છે. તે યુરોપ અને આફ્રિકામાં ફિક્સ્ડ અને મોબાઈલ સેવાઓ પૂરી પાડે છે. કંપનીની મોટાભાગની આવક મુખ્ય કનેક્ટિવિટી ઉત્પાદનો અને સેવાઓ દ્વારા પ્રાપ્ત થાય છે. જોકે, તેના પોર્ટફોલિયોમાં ડિજિટલ સેવાઓ, ઇન્ટરનેટ ઓફ થિંગ્સ સેવાઓ અને નાણાકીય સેવાઓનો પણ સમાવેશ થાય છે. ભારતમાં આ લક્ષિત કંપનીની હાજરી વોડાફોન આઈડિયા લિમિટેડ દ્વારા છે.