સ્ટેટ મોનિટરિંગ સેલના દરોડાથી અમદાવાદ અને ગાંધીનગરના હુક્કાબાર સંચાલકોમાં નાસભાગ

સંદેશના અહેવાલ મુજબ, સ્ટેટ મોનિટરિંગ સેલ દ્વારા બાતમીના આધારે ગુજરાતમાં ગેરકાયદે હુક્કાબારો અને કેફે સામે આક્રમક કાર્યવાહી હાથ ધરવામાં આવી હતી. એસએમસીની ટીમોએ અમદાવાદ અને ગાંધીનગર ખાતે એકસાથે ૪ અલગ-અલગ સ્થળો પર દરોડા પાડ્યા હતા.

આ કાર્યવાહીના પગલે ગેરકાયદે હુક્કાબાર સંચાલકોમાં ભય અને નાસભાગ મચી ગઈ હતી. એસએમસીએ ગાંધીનગર સ્થિત 'ટેમ્પ્ટેશન કેફે' પર દરોડો પાડીને મેનેજર તેમજ ૧૨ ગ્રાહકોને ઝડપી લીધા હતા. આ ઉપરાંત અમદાવાદના એલિસબ્રિજ વિસ્તારમાં આવેલા 'ટીસીઝ લાઉન્જ એન્ડ રેસ્ટોરન્ટ'માં આશરે ૮ વ્યક્તિઓ મળી આવી હતી.

એસએમસીની ટીમે ચાંદખેડાના 'કિંગ્સ કેફે'નું નિરીક્ષણ કરી ૩ વ્યક્તિઓ સામે કાયદેસરની કાર્યવાહી કરી હતી. સરખેજમાં આવેલા 'જાકલ લાઈવ કેફે' ખાતે પણ ગેરકાયદે ચાલતા હુક્કાનો જથ્થો અને સાધન સામગ્રી મળી આવ્યા હતા.

ચારેય સ્થળોની તપાસ દરમિયાન હુક્કા, હુક્કાના ફ્લેવર, તંબાકુ, ચિલમ અને મોટા પ્રમાણમાં સળગતા કોલસા મળી આવ્યા હતા. એસએમસી દ્વારા આ ચારેય સ્થળો પરથી કુલ ₹ ૨,૭૨,૦૦૪ ની કિંમતનો મુદ્દામાલ જપ્ત કરવામાં આવ્યો હતો.

આ મા મામલે સંબંધી સંબંધિત પોલીસ સ્ટેશનોમાં નોન-કોગ્નિઝબલ એટલે કે એનસી કેસ નોંધવામાં આવ્યા છે અને આ મામલે આગળની તપાસ શરૂ કરવામાં આવી છે.