દહેરાદૂનમાં પંદર વર્ષના સગીરે છ વર્ષની બાળકી પર કર્યો અત્યાચાર

એનડીટીવી ઇન્ડિયાના અહેવાલ મુજબ, દહેરાદૂનમાં એક પંદર વર્ષના સગીર દ્વારા છ વર્ષની માસૂમ બાળકી પર દુષ્કર્મ આચરવામાં આવ્યાની ઘટના સામે આવી છે. આ સગીરે પીડિત બાળકીને મોબાઇલ પર અશ્લીલ ફિલ્મ બતાવ્યા બાદ આ કૃત્ય આચર્યું હતું.

આ મામલે પોલીસ કંટ્રોલ રૂમને જાણ થતાં જ પોલીસ ટીમ તાત્કાલિક ઘટનાસ્થળે પહોંચી ગઈ હતી. પોલીસે તાત્કાલિક કાર્યવાહી કરીને ભોગ બનનાર બાળકીને સારવાર અર્થે હોસ્પિટલમાં દાખલ કરી હતી. જ્યારે આ ગુનામાં સંડોવાયેલા સગીર પંદર વર્ષના છોકરાને કાયદેસરની કાર્યવાહી હાથ ધરીને કિશોર ન્યાય બોર્ડના સંરક્ષણમાં મોકલી આપવામાં આવ્યો છે.