મુખ્યમંત્રીએ અમદાવાદમાં રિમોટથી ત્રણ મહાકાય પૂતળાંનું દહન કર્યું

મુખ્યમંત્રી શ્રી ભૂપેન્દ્ર પટેલ અમદાવાદમાં વિજયાદશમી મહોત્સવમાં સહભાગી થયા હતા. તેમના હસ્તે રાવણદહન કરાયું હતું. તેમણે આધુનિક તકનીકથી રિમોટનું બટન દબાવીને મેઘનાદ, કુંભકર્ણ અને રાવણનાં મહાકાય પૂતળાંનું દહન કર્યું હતું.

શાંતિ સેવા ચેરીટેબલ ટ્રસ્ટ દ્વારા વિજયાદશમી મહોત્સવ-૨૦૨૬ અંતર્ગત અમદાવાદમાં ડાયરો અને રાવણદહનના કાર્યક્રમ યોજાયા હતા. સાંઇરામ દવેની ટીમે ડાયરો પ્રસ્તુત કર્યો હતો.

મહોત્સવમાં શહેરી વિકાસ રાજ્યમંત્રી શ્રીમતી દર્શનાબહેન વાઘેલા, અમદાવાદ શહેરના મેયર શ્રી હિતેશભાઈ બારોટ, સાંસદ શ્રી હસમુખભાઈ પટેલ અને સાંસદ શ્રી દિનેશ મકવાણા ઉપસ્થિત રહ્યા હતા. સ્થાનિક ધારાસભ્યશ્રીઓ, સંતો-મહંતો, શ્રી પ્રેરકભાઈ શાહ સહિતના રાજકીય અગ્રણીઓ, અમ્યુકોના પદાધિકારીઓ, ટ્રસ્ટના વડા શ્રી સંદીપ બારોટ અને મોટી સંખ્યામાં લોકો પણ હાજર રહ્યા હતા.