ભુજ આરટીઓ ત્રણ સ્થળે રી-રજિસ્ટ્રેશન અને સી.પી.આઈ. કેમ્પ યોજશે

કચ્છ :: ઓક્ટોબર-૨૦૨૬માં નોન ટ્રાન્સપોર્ટ વાહનોના રી-રજિસ્ટ્રેશન અને સી.પી.આઈ. માટે સહાયક પ્રાદેશિક વાહન વ્યવહાર અધિકારીશ્રી, ભુજ-કચ્છ દ્વારા કેમ્પોનું આયોજન કરવામાં આવ્યું છે. વાહનમાલિકોની સુવિધા માટે તા. ૨૮/૧૦/૨૦૨૬ના રોજ ત્રણ સ્થળે કેમ્પ યોજાશે.

નલિયા ખાતે સવારે ૧૦:૩૦થી બપોરે ૧૨:૦૦ વાગ્યા સુધી, દયાપર ખાતે બપોરે ૦૧:૦૦થી ૦૨:૦૦ વાગ્યા સુધી અને નખત્રાણા ખાતે બપોરે ૦૩:૦૦થી સાંજે ૦૪:૩૦ વાગ્યા સુધી કેમ્પ કાર્યરત રહેશે. સ્થળ પર નોન ટ્રાન્સપોર્ટ વાહનોના રી-રજિસ્ટ્રેશન તથા સી.પી.આઈ.ની કામગીરી કરી આપવામાં આવશે.

આ કામગીરી ભુજ કચેરી ખાતે પણ રાબેતા મુજબ થશે. કચ્છ જિલ્લાના જાહેર જનતા અને વાહનમાલિકોને કેમ્પનો લાભ લેવા તથા તેની નોંધ લેવા સહાયક પ્રાદેશિક વાહન વ્યવહાર અધિકારીશ્રી, ભુજ-કચ્છની અખબારી યાદીમાં જણાવાયું છે.