શેખ હસીના માટે ફાંસીની સજા જ એકમાત્ર વિકલ્પ હોવાનું ICT ચીફ પ્રોસિક્યુટરે જણાવ્યું

બાંગ્લાદેશની ઇન્ટરનેશનલ ક્રાઇમ્સ ટ્રિબ્યુનલ (ICT) ના ચીફ પ્રોસિક્યુટર મોહમ્મદ અમીનુલ ઇસ્લામે સંદેશ (વિદેશ) ને જણાવ્યું છે કે પૂર્વ વડાપ્રધાન શેખ હસીના પાસે હવે મૃત્યુદંડની સજા ભોગવવાની સિવાય અન્ય કોઈ કાનૂની રસ્તો બચ્યો નથી. ઓગસ્ટ ૨૦૨૪ના વિદ્યાર્થી આંદોલન બાદ સત્તા ગુમાવીને ભારતમાં રહેલા હસીના માટે તેમણે કડક વલણ અપનાવ્યું છે.

મોહમ્મદ અમીનુલ ઇસ્લામે સ્પષ્ટ કર્યું કે જો હસીના કાયદાકીય પ્રક્રિયામાં ભાગ લેવા માંગતા હોત, તો તેમણે સુનાવણી દરમિયાન હાજર રહેવું જોઈતું હતું અથવા ચુકાદાના ૩૦ દિવસની સમયમર્યાદામાં અપીલ કરવા માટે પરત ફરવું જોઈતું હતું. તેમણે વધુમાં ઉમેર્યું કે લૉ ફર્મ દ્વારા કરવામાં આવતા પ્રયાસોને બદલે, જો તેઓ પરત ફરવા માંગતા હોય તો ભારત-બાંગ્લાદેશ પ્રત્યાર્પણ સંધિ હેઠળ ભારત સરકારને સત્તાવાર અરજી કરવી જોઈએ.

બાંગ્લાદેશ પાસપોર્ટ ઓર્ડર ૧૯૭૩ ના નિયમોનો ઉલ્લેખ કરતા ચીફ પ્રોસિક્યુટરે જણાવ્યું કે, ગંભીર ગુનાઓ અને નૈતિક અધઃપતન માટે સજા પામેલી વ્યક્તિને મુસાફરી દસ્તાવેજો આપવાની કાયદામાં કોઈ જોગવાઈ નથી. આથી તેમને નવો પાસપોર્ટ કે અન્ય કોઈ ટ્રાવેલ ડોક્યુમેન્ટ આપવામાં આવશે નહીં.