સુકેશ ચંદ્રશેખરની દોષિત ઠેરવવા સામેની અરજી પર સુપ્રીમ કોર્ટનો ઇનકાર

હિન્દુસ્તાન ટાઈમ્સના અહેવાલ મુજબ, સુપ્રીમ કોર્ટે સોમવારે કથિત ઠગ સુકેશ ચંદ્રશેખરની ફોજદારી કેસમાં દોષિત ઠેરવવાના આદેશ પર રોક લગાવવાની અરજી પર સુનાવણી કરવાનો ઇનકાર કરી દીધો છે.

દિલ્હીની એક કોર્ટે ગત ૨૦ ઓગસ્ટના રોજ ૨૦૧૭ના ભ્રષ્ટાચાર કેસમાં વિશેષ ન્યાયાધીશને જામીન માટે પ્રભાવિત કરવાના હેતુથી સુપ્રીમ કોર્ટના ન્યાયાધીશ હોવાનો ડોળ કરવા બદલ ચંદ્રશેખરને દોષિત ઠેરવ્યા હતા. ત્યારબાદ ૨૯ ઓગસ્ટે કોર્ટે આ મામલામાં તેમને ૮ વર્ષની જેલની સજા ફટકારી હતી.

ચંદ્રશેખરે ટ્રાયલ કોર્ટના સજા અને દોષિત ઠેરવવાના આદેશ સામેની અપીલનો નિકાલ ન થાય ત્યાં સુધી સ્ટેની માંગ કરતી અરજી ફગાવી દેવાના નિર્ણયને દિલ્હી હાઈકોર્ટમાં પડકાર્યો હતો. હાઈકોર્ટે ૧૬ ઓક્ટોબરના રોજ તેમની અરજીનો નિકાલ કરતા જણાવ્યું હતું કે દોષિત ઠેરવવાના આદેશ પર રોક લગાવવા માટેનો કોઈ કેસ બનતો નથી.

હાઈકોર્ટે અવલોકન કર્યું હતું કે દોષિત ઠેરવવાના ચુકાદા સામેની અપીલ પહેલેથી જ પેન્ડિંગ હોવાથી, તેમાં નોંધાયેલા તારણો સામે વાંધાઓ અને ટ્રાયલ કોર્ટ દ્વારા ઉપયોગમાં લેવાયેલી પ્રતિકૂળ ટિપ્પણીઓ એવા મુદ્દા છે જેની તપાસ અપીલ કોર્ટે કરવી જોઈએ. હાઈકોર્ટે અરજદારને અપીલ કોર્ટ સમક્ષ તમામ દલીલો રજૂ કરવા માટે છૂટ આપી હતી.

હાઈકોર્ટના આદેશને પડકારતી ચંદ્રશેખરની અરજી સોમવારે સર્વોચ્ચ અલાદત સમક્ષ સુનાવણી માટે આવી હતી. જસ્ટિસ જે.બી. પારડીવાલા અને મનમોહનની બેન્ચે આ અરજી પર વિચાર કરવાનો ઇનકાર કર્યો હતો.

દિલ્હી કોર્ટે ચંદ્રશેખરને ઇમ્પોઝિશનના કેસમાં ૮ વર્ષની જેલની સજા ફટકારતી વખતે આ કૃત્યને "સંસ્થાકીય અપવિત્રતા" ગણાવ્યું હતું. કોર્ટે લોકસેવક હોવાનો ડોળ કરવા અને લોકસેવકને ડરાવવાના ગુના માટે બે-બે વર્ષની સખત કેદની સજા તથા અનામી પત્રવ્યવહાર દ્વારા ફોજદારી ધમકી આપવા માટે ૪ વર્ષની સજા ફટકારી હતી.

કોર્ટે તમામ મુખ્ય સજાઓને એક પછી એક (સંલગ્ન રીતે) ભોગવવાનો નિર્દેશ આપ્યો હતો, જેથી કુલ સજા ૮ વર્ષની થઈ હતી.

આ કેસ ૨૮ એપ્રિલ ૨૦૧૭ના રોજ કરવામાં આવેલા એક ફોન કૉલમાંથી ઉભો થયો હતો, જે દરમિયાન ચંદ્રશેખર ભ્રષ્ટાચારના કેસમાં પોલીસ કસ્ટડીમાં હતા. સરકારી વકીલ પક્ષના જણાવ્યા અનુસાર, તેણે એક પોલીસ કષ્ટબલના મોબાઈલ ફોનનો ઉપયોગ કરીને પ્રિવેન્શન ઓફ કરપ્શન એક્ટ હેઠળના કેસો સંભાળતા તત્કાલીન વિશેષ ન્યાયાધીશ પૂનમ ચૌધરીના સત્તાવાર લેન્ડલાઈન અને મોબાઈલ ફોન પર સંપર્ક કર્યો હતો.

ટ્રાયલ કોર્ટે જણાવ્યું હતું કે ચંદ્રશેખરે પહેલા ભૂતપૂર્વ સુપ્રીમ કોર્ટના ન્યાયાધીશના ખાનગી સચિવ તરીકે અને બાદમાં ખુદ ન્યાયાધીશ તરીકે ઓળખ આપી હતી. કોર્ટે માન્યું હતું કે સરકારી વકીલ પક્ષે શંકાની કોઈી પણ વ્યાજબી શક્યતા વિના સાબિત કર્યું છે કે ચંદ્રશેખરે ન્યાયતંત્રમાં દખલ કરવા માટે જાણી જોઈને સુપ્રીમ કોર્ટના ન્યાયાધીશની ઓળખ ધારણ કરી હતી.