અમદાવાદમાં ઘરકંકાસને લઈને પત્નીએ પૂર્વ સૈનિક પતિની હત્યા કરી

અમદાવાદના નરોડા વિસ્તારમાં ઘરેલું વિવાદને કારણે એક પૂર્વ સૈનિકની હત્યા કરવામાં આવી હોવાની ઘટના સામે આવી છે. પોલીસના જણાવ્યા અનુસાર, ૩૪ વર્ષીય નિર્મળા ખરાડી નામના મહિલાએ તેના ૩૯ વર્ષીય પૂર્વ સૈનિક પતિ દિલીપ ખરાડી પર રસોડાની છરી વડે ઘાતક હુમલો કર્યો હતો. ગુરુવારે મોડી રાત્રે બનેલી આ ઘટનામાં છાતીના ભાગે ગંભીર ઈજાઓ થવાથી પીડિતનું ઘટનાસ્થળે જ મોત નીપજ્યું હતું. આ દંપતીને સંતાનમાં બે બાળકો છે.

ઘરેલુ બાબતોને લઈને બંને વચ્ચે બોલાચાલી થઈ હતી અને ઝઘડો હિંસક સ્વરૂપ ધારણ કરી ગયો હતો. નરોડા પોલીસ સ્ટેશનના ઇન્સ્પેક્ટર બી. એમ. કટારિયાએ જણાવ્યું કે સીસીટીવી ફૂટેજ અને ચોક્કસ બાતમીના આધારે પોલીસે ગુનાના થોડા જ કલાકોમાં શુક્રવારે નિર્મળાની ધરપકડ કરી લીધી હતી.

આ મા મામલે મેં પોલીસે ભારતીય ન્યાય સંહિતા (બીએનએસ) ૨૦૨૩ ની કલમ ૧૦૩(૧) (હત્યા) અને ગુજરાત પોલીસ અધિનિયમની સંબંધિત જોગવાઈઓ હેઠળ ગુનો નોંધીને કાયદેસરની કાર્યવાહી હાથ ધરી છે.